Ինչպես տեղեկացնում է ՏԱՍՍ գործակալությունը, Ֆրանսիայի ահաբեկչության զոհերի հիշատակի կապակցությամբ Բեռլինում հազարավոր մարդիկ դուրս են եկել երթի:
Նշվում է, որ Բեռլինի երթի մասնակիցները շարունակում են հավաքվել Բրանգենբուրգյան դարպսների մոտ: Միջոցառումը կազմակերպել են Բեռլինի մահմեդական կազմակերպությունները:
Երթին մասնակցում են նաեւ Գերմանիայի կանցլեր Անգելա Մերկելն ու փոխկանցլեր Զիգմար Գաբրիելը, ինչպես նաեւ բարձրաստիճան այլ պաշտոնյաներ:
Միջոցառումը սկսվել է երեկոյան ժամը 20:00-ին, երթից առաջ մասնակիցները ծաղիկներ ու պսակներ էին դրել Գերմանիայում Ֆրանսիայի դեսպանատան առջեւ:
Հիշեցնենք, որ նախորդ շաբաթ Փարիզում իրականացված ահաբեկչական գործողությունների հետեւանքով սպանվել էին 17 մարդ, իսկ 11-ը՝ վիրավորվել էին: