Ապրիլի 27-ին Հայաստանի խորհրդարանում կառավարական ժամին Հայաստանի արտգործնախարար Էդվարդ Նալբանդյանը հայտարարել է.
«Ադրբեջանի` բանակցություններն իր օգտին թեքելու փորձը ձախողվել է: Ադրբեջանը ստիպված կլինի վերադառնալ բանակցությունների սեղանի մոտ: Լավ հայտնի է, որ հակամարտության կարգավորման հիմնական փաստաթղթերը ԵԱՀԿ-ի Մինսկի խմբի համանախագահող երկրների 5 հայտարարություններն են, որոնք Ադրբեջանը ոչ մի կերպ չի ցանկանում վկայակոչել եւ ձեւացնում է, թե չգիտե` ինչի մասին է խոսքը, կամ էլ աղավաղված ձեւով ներկայացնում է փաստաթղթեր, որոնք աշխատանքային բնույթ են կրել:
Ադրբեջանական կողմի խոսքերը չեն համապատասխանում իրականությանը եւ տեսնելով, որ չեն կարող բանակցություններն իրենց օգտին թեքել, նրանք փորձեցին ինչ-որ բան ստանալ ռազմական ոլորտում, եւ դարձյալ անարդյունք»:
