Երեկ կառավարության շենքի մոտ էին հավաքվել Եկմալյան փողոցի նախկին բնակիչները : Լրագրողների հետ զրույցում նրանք նշեցին, որ շուրջ 16 ընտանիք այժմ անտուն է մնացել և իրենց չի տրամադրվում վարձավճար, որպեսզի կարողանան տուն վարձակալել: Բողոքողներից Անուշ Խուդավերդյանը նշեց.
«Ես իմ տունը բացեցի, մտա՝ պարզվեց, որ այն վաճառված է 7 հոգու, հիմա մեր տներում ապրում են պատգամավորների, օլիգարխների ընտանիքները : Նրանց կանայք մեզնից լա՞վն են» :
Վերջինս նշեց, որ իրենց ընտանիքի հինգ անդամները Հանրապետական կուսակցությունից են , բայց իրենց ոչ ոք չի օգնում:
Երեկ Անուշ Խուդավերդյանը գետնին գցեց ՀՀԿ բոլոր անդամատոմսերը: