Ինչպես հաղորդում է ՏԱՍՍ գործակալությունը, Եղանակային անբարենպաստ պայմանների հետեւանքով Սիրիայի հյուսիս-արեւմուտքում գտնվող Իդլիբ պրովինցիայում աղետի է ենթարկվել սիրիական ռազմա-տրանսպորտային ինքնաթիռը:
Ինչպես հաղորդում է Սիրիայի պետական հեռուստատեսությունը, աղետի հետեւանքով ինքնաթիռի անձնակազմի բոլոր չորս անդամները մահացել են:
Տվյալների համաձայն ինքնաթիռը վթարի է ենթարկվել Իդլիբում գտնվող Աբու-Դուհուր ռազմական օդանավակայանի մոտակայքում՝ վայրէջք կատարելիս:
Աղետի պատճառ է հանդիսացել խիտ մշուշը:
Հիշեցնենք, որ Աբու-Դուհուր օդանավակայանը գտնվում է Իդլիբից 50 կմ արեւելք ընկած տարածքում, որի հարակից շրջաններում շարունակվում են արյունալի մարտերը կառավարական ուժերի ու Ան-Նուսրա խմբավորման գրոհայինների միջեւ, որոնց նպատակն է զավթել օդանավակայանը:
Սիրիական ուժերի համար ռազմական օդանավակայանն ունի ստրատեգիական կարեւոր նշանակություն, այստեղ են հատվում մի շարք ավտողճուղիներ:
