Ինչպես տեղեկացնում է ՏԱՍՍ գործակալությունը, Եվրամիության արտաքին քաղաքականության հարցերի հանձնակատար Ֆեդերիկա Մոգերինին հայտարարել է եվրոպական եւ արաբական երկրների միջեւ անվտանգության եւ տեղեկությունների փոխանակման ոլորտում անվտանգության ամրապնդման անհրաժեշտության մասին:
Այս մասին նա հայտնել է Եվրամիության անդամ պետությունների ԱԳ նախարարների նստաշրջանի նախաշեմին՝ կոչ անելով հակաահաբեկչական դաշինք ստեղծել:
Եվրոպացի մի շարք նախարարներ իրենց ելույթներում նույնպես նշել են անվտանգության ոլորտում արաբական երկրների հետ գործընկերության անհրաժեշտության մասին:
ԵՄ անդամ 28 երկրների ԱԳՆ ղեկավարների նիստն անցկացվում է Բրյուսելում: Քննարկման հիմնական թեման Ռուսաստանի հետ հարաբերություններն են:
