Չինաստանի մայրաքաղաքում ուղղափառ հավատացյալները զատկական պատարագով տոնել են Քրիստոսի Սուրբ Հարությունը:
Այս մասին ТАСС գործակալությանը հայտնել է Աստվածածնի Վերափոխման տաճարի քահանա Սերգեյ Վորոնինը:
«Այս տարի երկրպագության արարողությանը 350 մարդ է մասնակցել: Զգալիորեն մեծացել է նաև այլ երկրներից եկող հավատացյալների թիվը», - պատմել է քահանան:
Նրա խոսքով` այս գիշեր ռուսներից բացի տաճար են այցելել նաև Բելառուսի, Բուլղարիայի, Գերմանիայի, Հունաստանի, Մոդովայի, Ռումինիայի, Սերբիայի, ԱՄՆ-ի, Ֆրանսիայի, Ուկրաինայի և Եթովպիայի քաղաքացիները:
