Ինչպես տեղեկացնում է Ռիա Նովոստի գործակալությունը, Գերմանիայի կանցլեր Անգելա Մերկելը հույն ընտրողներին կոչ է արել ընտրություն կատարել Եվրոպայի օգտին:
Իտալիայի վարչապետ Մաթեո Ռենցիի հետ հանդիպունից հետո Ֆլորենցիայում կայացած մամուլի ասուլիսում կանցլերը հայտարարել է, որ ցանկանում է, որպեսզի Հունաստանը, չնայած բոլոր դժվարություններին, եվրոպական պատմության մաս մնա:
Հունաստանում խորհրդարանական ընտրությունները կանցկացվեն 2015 թվականի հունվարի 25-ին: Հարցումների համաձայն, առայժմ առաջատարը գլխավոր ընդդիմադիր կուսակցությունը՝ Ալեքսիս Ցիպրասի Ռադիկալ ձախ ուժերի կոալիցիան է: Այն դեմ է հանդես գալիս տնտեսական կոշտ միջոցներին, որոնք ներկա կառավարությունը կիրառում է՝ միջազգային վարկատուների պահանջներին համաձայն:
Եվրոպացի պաշտոնյաները մտավախություն ունեն, որ ձախերի հաղթանակի դեպքում Աթենքը կարող է դուրս գալ եվրոգոտուց:
