Ռուսաստանի Դաշնության արտգործնախարար Սերգեյ Լավրովը և ԱՄՆ պետքարտուղար Ջոն Քերին հեռախոսազրույց են ունեցել, որի ընթացքում խոսել են նաև ղարաբաղյան հակամարտության կարգավորման ուղիների մասին: Այս մասին հայտնում է ՏԱՍՍ գործակալությունը:
ՌԴ արտգործնախարարությունից տեղեկացնում են, որ հեռախոսազրույցը տեղի է ունեցել ամերիկյան կողմի նախաձեռնությամբ, իսկ հիմնական թեման եղել է Սիրիայի հակամարտությունը, սակայն խոսվել է նաև ղարաբաղյան և պաղեստինա-իսրայելական հակամարտությունների մասին: