Ինչպես հաղորդում է INTERFAX.RU գործակալությունը, Դեբելցեվո բնակավայրի մոտ ուկրաինական բանակի շուրջ 10 հազար զինվորականներ կարող են հայտնվել շրջապատման մեջ: Այդ մասին հայտնել են Դոնեցկի ինքնահռչակ հանրապետության պաշտպանության նախարարությունից:
«Դեբելցովոյում գտնվում են 10 հազար ուկրաինացի զինվորականներ, որոնք աստիճանաբար նահանջում են: Ավելորդ զոհեր բացառելու համար ցանկալի է անմիջապես ավարտին հասցնել շրջապատումը»,- հայտնել են աշխարհազորայինները:
Էդուարդ Բասուրինը նշել է, որ տերիտորիան բավականին մեծ է, ուստի առաջանում են որոշակի դժվարություններ, սակայն այդ տարածքից նվազել են հրետակոծությունները:
Միաժամանակ ուկրաինական ուժայինների շտաբում հերքում են շրջապատման մասին աշխարհազորայինների հաղորդագրությունը:
