Եվրամիությունը նախատեսել է 15 միլիոն եվրո տրամադրել Հայաստանի կառավարությանը կոռուպցիայի դեմ պայքարի համար: Այս մասին այսօր՝ մայիսի 13-ին, կազմակերպված «Կառավարություն-Քաղաքացիական հասարակություն» հակակոռուպցիոն համաժողովի ժամանակ հայտարարեց ՀՀ-ում ԵՄ պատվիրակության ղեկավար Պյոտր Սվիտալսկին՝ հավելելով, որ այդ գումարը դեռ բաշխված և ծախսված չէ:
Սվիտալսկու խոսքերով, գումարը կառավարությանը կտրամադրվի միայն այն դեպքում, եթե հայկական կողմը կատարի պայմանները:
Նա մասնավորապես նշեց, որ ԵՄ-ն պետք է կոնկրետ արդյունքների տեսնի, հակառակ դեպքում այդ գումարը չի փոխանցվի ՀՀ կառավարությանը:
Սվիտալսկին նաև վստահություն հայտեց, որ կոռուպցիան թուլացնում է երկիրը, դրա դեմ պայքարը Հայաստանի համար ռազմավարական կարևորություն ունի և ազգային անվտանգության հարց է: