Յոթանասունյոթ տարեկանում մահացել է ավստրալացի գրող Քոլին Մաքալոուն, ով առավել հայտնի է որպես «Մացառուտներում երգողները» վեպի հեղինակ, գրում է lenta.ru-ն:
Մաքալոուն մահացել է ավստրալական Նորֆոլկ կղզում: Նա մի քանի անգամ սրտի կաթված է ստացել և իր կյանքի վերջին տարիներին գամված է եղել անվասայլակին:
Նրա գիրքը հրատարակվել է 1977-ին, որից հետո դարձել է համաշխարհային բեսթսելեր: Այնուհետև 1983-ին գրքի հիման վրա ֆիլմ է նկարահանվել:
Ռիչարդ Չեմբերլենի մասնակցությամբ չորս մասից բաղկացած հեռուստասերիալը դարձել է երկրորդ ամենահայտնի մինի-սերիալն ամերիկյան հեռուստատեսության պատմության մեջ:
