Ինչպես տեղեկացնում է Ստամբուլի հայկական «Ակոս»-ը, 5 տարի որպես գլխավոր խմբագիր աշխատած Ռոբեր Քոփթաշը հեռանում է պարտականություններից։
«Ակոս»-ի գլխավոր խմբագրի պատասխանատու պաշտոնը ստանձնելու է Եթվարթ Դանզիկյանը։
Եթվարթ Դանզիկյանը ծնվել է Ստամբուլում, 1969 թվականին։ Սովորել է Ստամբուլի հայկական Մխիթարյան լիցեյում։ Իր ներդրումն է ունեցել «Ակոս»-ի հիմնադրմանը։ Հանդեսացել է «Իլեթիշիմ յայընլարը» հրատարակչատան խմբագիր։ NTV եւ CNBC հեռուստաընկերություններում լրատվական բաժնի տնօրենի պաշտոնն է զբաղեցրել։ Հրապարակումները տպագրվել են Birikim եւ Radikal պարբերականում։ 2008-ից գրում է «Ակոս»-ում։
