Ինչպես տեղեկացնում է Ռիա նովոստի գործակալությունը, ԱՄՆ պետքարտուղար Ջոն Քերրին հաջորդ շաբաթ կայցելի Ուկրաինա: Քերրին Կիեւում կլինի փետրվարի 6-ին, որպեսզի իր աջակցությունը հայտնի Ուկրաինայի կառավարությանը: Ավելի ուշ նա ուղեւորվելու է Գերմանիա՝ մասնակցելու Մյունխենյան կոնֆերանսին:
Նախօրեին Ուկրաինայի նախագահ Պյոտր Պորոշենկոն եւ ԱՄՆ փոխնախագահ Ջոզեֆ Բայդենը պայմանավորվել են հանդիպել Մյունխենյան կոնֆերանսի շրջանակներում, որը տեղի է ունենալու փետրվարի 6-8-ին:
Քերին փետրվարի 5-ի հանդիպում կունենա Ուկրաինայի նախագահ Պյոտր Պորոշենկոյի, վարչապետ Արսենի Յացենյուկի, արտգործնախարար Պավել Կլիմկինի ու ռադայի պատգամավորների հետ:
Ջենիֆեր Փսակիի բնորոշմամբ՝ Քերիի այցելությունը ապացուցում է ԱՄն օժանդակությունն Ուկրաինային:
Ավելի վաղ տեղեկուիթյուն էր տարածվել, որ Քերին Լավրովի հետ հանդիպման նպատակով կայցելի նաեւ Մոսկվա, սակայն ԱՄՆ դեսպանտունը դեռ որեւէ հաղորդագրություն չի տարածել:
