Ինչպես տեղեկացնում է ANNA.NEWS գործակալությունը, առանձնակի արյունալի մարտեր են ընթանում պաղեստինյան գաղթականների Յարմուկ ճամբար շրջանում, որտեղ Համազ ու Ան-Նուսրա խմբավորումների գրոհայինները հարձակում են ձեռնարկել կառավարական ուժերի դիքերի ուղղությամբ: Ինտեսիվ մարտական գործողությունները շարունակվել են մինչեւ երեկո, կողմերը գործի են դրել հրթիռային համակարգեր ու ականանետներ, որի արդյունքում երկու կողմերում գրանցվել են կորուստներ:
Միաժամանակ Հալեպում սիրիական օդուժը հարվածներ է հասցրել քաղաքի ծայրամասերում տեղակայված խմբավորումների դիրքերին:
Հոմս պրովինցիայում կառավարական օդուժը ռմբակոծել է շինությունն, որտեղ ընթանում էր գրոհայինների հրամանատարության խորհրդակցությունը, որոնք ամենայն հավանականությամբ ԻՊ-ին միանալու որոշումն էին քննարկել:
Լաթաքիայի շրջանում կրկին շարունակվում են մարտերն, որտեղ սիրական հրետանին հզոր հարվածներ է հասցրել գրոհայինների դիրքերի ուղղությամբ:
Դեյ-Էր Զոր պրովինցիայում, ռազմական օդանավակայանի տարածքում սիրական օդուժն ոչնչացրել է ԻՊ-ի ավտոշարասյունը:
Դարա պրովինցիայում սիրական հրետանին շարունակել է հրետակոծել հակառակորդի դիրքերը: Տեղեկություններ այս շրջանից ընթացող ռազմական գործողությունների վերաբերյալ դեռեւս չկան:
Հիշեցնենք, որ դեռեւս ԻՊ-ի դեմ պայքարի միասնական ճակատ չկա. խմբավորման դեմ պայքարում են Սիրիայի եւ Իրաքի կառավարական զորքերը, ԱՄՆ-ի գլխավորած միջազգային զորքերը, ինչպես նաեւ Իրաքի եւ Սիրիայի քրդերը: Մարտական գործողությունների արդյունքում մի քանի հազար խաղաղ բնակիչ է զոհվել, հարյուր հազարավոր մարդիկ դարձել են փախստականներ եւ մի քանի հազար մարդ դեռեւս ԻՊ-ի պատանդն է
