Ինչպես հաղորդում է «Երրորդ համաշխարհային» պատերազմ պորտալը, «Հայդար» ջոկատի գործողությունները դավաճանություն են:Այդ մասին հայտնել է Ուկրաինայի ներքին գործերի նախարար Արսեն Ավակովը՝ Ուկրաինայի պաշտպանության նախարարության դեմ ցույց կազմակերպած Հայդար ազգային գվարդիայի մարտիկներին մեղադրելով դավաճանության մեջ:
«Պատերազմական իրավիճակում գտնվող երկրի պաշտպանության նախարարության շրջափակումը, ինչպես նաեւ ռադայի պատգամավոր ու վերոհիշյալ ջոկատի հրամանատար Սերգեյ Մելնիչուկի մասնակցությունը միտինգին համարում եմ դավաճանական քայլ»,- ասել է Ավակովը:
Նա հայտնել է, որ իրավապահները հետաքննություն են սկսել միտինգի ընթացքում ջոկատի մարտիկների կողմից առեւանգված ուկրաինական զինվորական Մաքսիմ Կոզուբայի գործի հատկանիշներով, որն վիրավորվելուց հետո վերականգնողական թերապիա էր անցնում Կիեւում:
Հիշեցնենք, որ «Հայդար» ջոկատի մարտիկները բողոքի ցույցի էին դուրս եկել ՊՆ նախարարության շենքի մոտ ու շրջափակել հաստատությունը:
Միտինգի պատճառ էր հանդիսացել Ուկրաինայի իշխանությունների՝ գումարտակը ցրելու որոշումը:
