Երեկ երեկոյան Դոնի տեխնիկական համալսարանի մոտ զանգվածային ծեծկռտուք է տեղի ունեցել, որին մասնակցել է ավելի քան 80 մարդ: Այս մասին հայտնում են ռուսական ԶԼՄ-ները նշելով, որ արդյունքում 12 մարդ է հոսպիտալացվել:
Համացանցում հայտնված կադրերից երևում է, որ միջադեպի որոշ մասնակիցները դեմքները փակած են եղել բժշկական դիմակներով, ոմանք էլ զինված են եղել մահակներով:
Որոշ տեղեկություններով, ծեծկռտուքի մասնակիցները եղել են ֆուտբոլային ակումբի երկրպագուներ: Մասնավորապես նշվում է «Ռոստով» ակումբի անունը:
Հավելենք, որ միջադեպի մասնակիցներից 13-ն արդեն վարչական տույժ են ստացել:
