Եգիպտոսի Պաշտպանության նախարարության պաշտոնական ներկայացուցիչը Facebook-ի իր էջում հրապարակել է Միջերկրական ծովում աղետի ենթարկված EgyptAir ավիաընկերության A320 ինքնաթիռի հայտնաբերված բեկորների եւ իրերի առաջին լուսանկարները:
Լուսանկարներում երեւում են ինքնաթիռի հիմնակմախքի մասերը EgyptAir ավիաընկերության լոգոտիպով, բազկաթոռների մի մասը, ինչպես նաեւ որոշ ուղեւորների կորած իրերը եւ փրկարարական ժիլետները:
EgyptAir ընկերության А320 ինքնաթիռը, որը Փարիզ-Կահիրե թռիչքն էր իրականացնում, մայիսի 19-ի առավոտյան Միջերկրական ծովի վրայով թռչելիս կորել էր ռադարներից: Ինքնաթիռում 66 մարդ է եղել:
