Այս գիշեր հրազենային զենքից մարտական փամփուշտներով կրակել են Ֆրանսիայում իշխող Սոցիալիստական կուսակցության Գրենոբոլում գտվող գրասենյակի վրա: Այս մասին ասված է կուսակցության առաջին քարտուղար Ժան-Կրիստոֆ Կամբադելիսի հայտարարության մեջ:
Նշվում է, որ շինության ճակատին մնացել են միջադեպի հետքեր:
Կամբադելիսը հավելել է, որ վերջին շրջանում իշխող կուսակցության ներկայացուցիչներն ավելի ու ավելի հաճախ են դառնում թիրախներ, սակայն այս գիշեր հանցագործները անցել են բոլոր սահմանները:
Նա կոչ է արել իշխանություններին լրջորեն զբաղվել հարցով քանի դեռ զոհեր չկան:
