Ինչպես հաղորդում է INTERFAX.RU գործակալությունը, Էստոնիայի նախագահ Թոմաս Իլվեսը հանդես է եկել Ուկրաինային ռազմական օգնություն ցուցաբերելու կոչով:
Մասնավորապես նա նշել է, որ Ուկրաինայում իրավիճակը չափազանց սրված է, ուստի անհրաժեշտ է անհապաղ օժանդակել ուկրաինացիներին, հակառակ դեպքում Ռուսաստանը կհաղթի պատերազմում:
Միաժամանակ նա կարծիք է հայտնել, որ Եվրամիությունը ներկայումս Ռուսաստանի հետ հարաբերություններում պետք է շարունակի նրա դեմ կիրառվող պատժամիջոցներ, քանի որ վերջինս խախտում է մինսկյան համաձայնագրերը:
