Ինչպես հաղորդում է ՏԱՍՍ գործակալությունը, Կոնգոյի դեմոկրատական հանրապետության բնակավայրերից մեկում թրերով զինված անհայտ գրոհայինները սրախողխող են արել ավելի քան 20 մարդու:
Հարձակումն իրականացվել է գիշերվա ընթացքում:
Պրովինցիայում գործում են հարեւան Ուգանդայից ներթափանցած ապստամբների զորաջոկատներ:
Անցյալ տարի ուգանդական ապստամբները Կոնգոյում իրականացրել էին մասսայական հարձակումներ, որի հետեւանքով սպանվել էր 260 խաղաղ բնակիչ:
2014թ.-ի դեկտեմբերից Կոնգոյի զինված ուժերն ու ՄԱԿ-ի խաղաղապահները վերսկսել են հարձակումը գրոհայինների դեմ:
