Մուսուլման ընտանիքները չպետք է զբաղվեն ընտանիքի պլանավորմամբ և ծնելիության վերահսկմամբ, հայտարարել է Թուրքիայի նախագահ Ռեջեփ Թայիփ Էրդողանը:
«Մենք մեծացնում ենք մեր բնակչության թիվը: Որևէ մուսուման ընտանիք չի կարող մտածել ծնելիության վերահսկման և ընտանիքի պլանավորման մասին: Այստեղ հիմնական պատասխանատվությունն ընկնում է մայրերի վրա»,-ասել է Էրդողանը՝ ելույթ ունենալով Երիտասարդության և կրթության հիմնադրամի ներկայացուցիչների առջև:
Ավելի վաղ Էրդողանն անընդունելի էր համարել հակաբեղմնավորիչների օգտագործումը՝ դա հավասարեցնելով հայրենիքի դավաճանության հետ:
