Ինչպես տեղեկացնում է «Երրորդ համաշխարհային պատերազմ» պորտալը, Գերմանիայի անվտանգության խորհուրդ որոշում է ընդունել մասնակիորեն վերսկսել ռազմական հանդերձանքի ու զենքի արտահանումը դեպի Սաուդյան Արաբիա:
Գերմանիան Մերձավոր Արեւելքում իրավիճակի սրման պայմաններում առժամանակ կասեցրել էր զենքի վաճառքը Սաուդյան Արաբիա:
Սաուդյան Արաբիային նախատեսվում է տրամադրել ավտոմատներ ու սահմանապահներին անհրաժեշտ սարքավորումներ ու հանդերձանք:
Միաժամանակ գերմանական կառավարությունը Քուվեյթին կտրամադրի 12 տանկ, իսկ Եգիպտոսին՝ 204 ռադիոկայան:
Նշենք, որ Գերմանիայի ընդդիմադիր ձախ կուսակցությունները կտրականապես դեմ են մերձավորարեւելյան երկրներին զենք տրամադրելու որոշմանը, գտնելով, որ պատերազմական վիճակում գտնվող երկրներում զենքը կարող է հայտնվել արմատական խմբավորումների ձեռքում:
