Հաքերները կոտրել են Մարկ Ցուկերբերգի թվիթերյան էջը: Այս մասին հայտնում են ամերիկյան ԶԼՄ-ները՝ նշելով, որ Ֆեյսբուքի հիմնադիրի էջը չէր թարմացվել 2012 թվականից հետո: Իսկ հիմա այնտեղ նոր գրառումներ են հայտնվել, որոնցից մեկի հեղինակը Ourmine հաքերային խումբն է, որն էլ ստանձնել է էջը կոտրելու պատասխանատվությունը:
Հաքերները գրել են, որ ստուգում են Ցուկերբերգի անվտանգությունը և առաջարկել են վերջինիս կապ հաստատել իրենց հետ: Գրառումը շատ արագ հեռացվել է:
