Այն բանից հետո, երբ Գերմանիայի Բունդեսթագը ճանաչեց Հայոց Ցեղասպանությունը, թուրքական ծագում ունեցող գերմանացի պատգամավորներին հաշվեհարդարով են սպառնում, այս մասին գրում է Die Zeit-ը:
Այսպես, կանաչների կուսակցության պատգամավոր Օզքան Մուտլուն հայտարարել է, որ գերմանական խորհրդարանի թուրքական ծագում ունեցող բոլոր 11 պատգամավորներն էլ աննախադեպ քանակությամբ սպառնալիքներ են ստանում:
Նշվում է, որ Անկարայի քաղաքապետը թվիթերյան իր էջում հրապարակել է բոլոր 11 պատգամավորների լուսանկարները, ինչից հետո այդ նկարները տարածվել են սոցկայքերում, իսկ տարածողների հիմնական մասը կոչ է արել սպանել այդ պատգամավորներին. «Թուրքիայում այսպիսի խեելագարների ձեռքով շատերն են սպանվել»,-ասել է խորհրդանականը:
Կրակի վրա յուղ է լցրել նաև Էրդողանը, ով Բունդեսթագի թուրքական ծագում ունեցող պատգամավորներին անվանել է Քրդական աշխատավորական կուսակցության շառավիղ:
