Ստամբուլում տեղի ունեցած պայթյունի արդյունքում կա 14 վիրավոր, այդ թվում՝ 8 ոստիկան: Այս մասին հայտնում են տեղի ԶԼՄ-ները:
Նշենք, որ հուժկու պայթյունը որոտացել է Երևանի ժամանակով առավոտյան 09:40-ին Ստամբուլի կենտրոնում: Պայթյունը տեղի է ունեցել այն պահին, երբ դեպքի վայրով անցնելիս է եղել հատուկջոկատայիններ տեղափոխող ավտոմեքենա: Ապա լսվել են փոխհրաձգության ձայներ:
Դեպքի վայրում գտնվում են մեծ թվով իրավապահներ և Ստամբուլի նահանգապետ Վասիփ Շահինը:
Ինչ վերաբերում է զոհերին, ապա նրանց թիվը հասնում է 11-ի: Նրանցից 7-ը ոստիկան են, 4-ը՝ քաղաքացիական անձիք:
