Ինչպես հաղորդում է Ռիա Նովոստի գործակալությունը, Կրամատորսկ քաղաքի հրետանային ռմբակոծության հետեւանքով սպանվել է 8, վիրավորվել 63 խաղաղ բնակիչ, որոնց թվում՝ 5 երեխա ու 32 զինծառայող:
Այդ մասին հայտնել են Դոնեցկի ինքնահռչակ հանրապետության մամուլի ծառայությունից, նշելով, որ հրետակոծության հետեւանքով քանդվել է 4 բարձրահարկ շենք:
Միաժամանակ Ուկրաինայի գլխավոր շտաբից տեղեկացրել են, որ «Սմերչ» հրետանային համակարգերից հրետակոծության է ենթարկվել Կրամատորսկի օդանավակայանն ու բնակելի շինությունները: Զինդատախազությունը քրեական գործ է հարուցել ահաբեկչության հատկանիշներով: