Քիչ առաջ ԱԱԾ-ից ազատ արձակվեց Սյունիքի մարզպետ Սուրիկ Խաչատրյանի նկատմամբ մահափորձի գործով մեղադրյալ Արա Բուդաղյանը, ում նկատմամբ քրեական հետապնդումը դադարեցվել է քննիչի որոշմամբ:
Լրագրողների այն հարցին, թե սպասո՞ւմ էր արդյոք արդարացմանը, Բուդաղյանն ասաց՝ այո: Հարցին, թե փոխհատուցում պահանջելո՞ւ է, վերջինս ասաց, որ բոլոր հարցերի պատասխանը կտա փաստաբանը:
Նշենք, որ ավելի վաղ ՀՀ գլխավոր դատախազությունը հայտարարություն էր տարածել գործի վերաբերյալ:
Լուսանկարը՝ armlur.am
