ԱՄՆ պետքարտուղարության տասնյակ աշխատակիցներ կոնֆիդենցիալ փաստաթուղթ են ստորագրել՝ կոչ անելով Վաշինգտոնին ռազմական գործողություններ սկսել Սիրիայի նախագահ Բաշար Ասադի դեմ: Այս մասին հայտնում է The Wall Street Journal-ը:
Փաստաթուղը ստորագրողները դժգոհում են այն բանից, որ ամրիկյան կողմը հստակ աջակցություն չի ցուցաբերում սիրիական հակամարտության կողմերից որևէ մեկին և կորցնում է սունիների աջակցությունը ԻՊ-ի դեմ պայքարում: Իսկ այդ ընթացքում, նրանց պնդմամբ, Ասադի ուժերը շարունակում են ռմբակոծել և սովամահ անել սունիներին, ովքեր մեծամասնություն են Սիրիայում:
Պետքարտուղարության աշխատակիցները կոչ են անում անհապաղ ռազմական գործողություններ սկսել կառավարական ուժերի դեմ և ամրապնդել չափավոր ընդդիմության դիրքերը:
Նշենք, որ փաստաթղթի տակ ստորագրել է 51 աշխատակից: Սակայն նախաձեռնողները հրաժարվել են հրապարակել այն, քանի դեռ դրա հետ չեն ծանոթացել երկրի առաջին դեմքերը:
