Հայաստանի Հանրապետության նախագահ Սերժ Սարգսյանի հետ հանդիպմանը ՌԴ նախագահ Վլադիմիր Պուտինը հայտարարել է, որ ինտոգրացիոն գործընթացների շրջանակներում երկու երկրների հարաբերությունները զարգանում են ինտենսիվ կերպով, ինչն ուրախալի է:
Նրա խոսքերով, հնարավորություն և անհրաժեշտություն կա քննարկելու, թե ինչ պետք է անեն կողմերը հետագայում. «Հիմա Հայաստանը գլխավորում է ՀԱՊԿ-ը, և աշնանը բարձր մակարդակով հանդիպում տեղի կունենա»,-ասել է նա:
Սարգսյանն իր հերթին հաստատել է նման հանդիպման հնարավորությունը:
Պուտինը նաև խոսել է Հայաստանի և Ռուսաստանի միջև առևտրաշրջանառության մասին՝ գոհունակություն հայտնելով ցուցանիշներից և հույս հայտնելով, որ հետագայում ցուցանիշներն էլ ավելի կլավանան:
