Ինչպես տեղեկացնում է «Երրորդ համաշխարհային պատերազմ» պորտալը Կիեւը վերսկսել է Դոնեցկի ժողովրդական հանրապետության բնակավայրերի հրետակոծությունը:
Այդ մասին հայտնել է Դոնեցկի զինված ուժերի հրամանատարի տեղակալ Էդուարդ Բասուրինը, նշելով, որ գիշերվա ընթացքում վերսկսված հրետակոծության հետեւանքով զոհվել են երեխաներ:
Առանձնապես տուժել են Դոնեցկի ու Գորլովկա բնակավայրերի բնակիչները, ինչի հետեւանքով գրանցվել են զոհեր, այդ թվում՝ երեք երեխա: Սպանվել են երեքամյա ու մեկամյա երկու տղաներ ու 12-ամյա աղջիկ:
Ուկրաինական ուժայինները Գորլովկայի հրետակոծությունն իրականացրել են հրթիռային ու ծանր հրետանային համակարգերով: Բնակավայրը հրետակոծվում է Սվերդլովսկի ու Դերժինսկի ուղղություններից: Աշխարհազորայինների պատասխան գործողությունների արդյունքում վնասազերծվել է հակառակորդի զրահատեխնիկան ու հրետանային համակարգը:
