«Հայկական ժամանակ» թերթը գրում է. «Ուկրաինայում ՀՀ արտակարգ և լիազոր դեսպան Անդրանիկ Մանուկյանը Բարձրաստիճան պաշտոնատար անձանց էթիկայի հանձնաժողով է ներկայացրել իր եկամուտների և ունեցվածքի հայտարարագիրը: Դեսպանը 2015թ. շարժական և անշարժ գույք ոչ գնել է, ոչ էլ օտարել է:
Նախորդ տարի նա 3 մլն 500 հազար դոլար փոխառություն է տվել: Տարվա սկզբին նրա դրամական միջոցները հետևյալ տեսքն են ունեցել՝ 345 մլն դրամ, 3,5 մլն դոլար եւ 380 հազար եվրո (2 մլրդ 220 մլն 500 հազար դրամ):
Դեսպանի եկամուտները նախորդ տարի գոյացել են աշխատավարձից՝ ավելի քան 35 հազար դոլար և տրված փոխառությունից ստացած տոկոսներից՝ 118 մլն 640 հազար դրամ: Մանուկյանի կինը՝ Անահիտ Մանուկյանը, որը ոչ մի տեղ չի աշխատում, հայտարարագրել է 12 մլն դրամ և 102 հազար դոլար»:
Առավել մանրամասն՝ թերթի այսօրվա համարում
