Ինչպես տեղեկացնում է Ռիա Նովոստի գործակալությունը, Հալեպի Նոբել ու Զահրա արվարձանների հրետակոծության հետեւանքով զոհվել է 5 խաղաղ բնակիչ:
Հրետակոծությունն իրականացրել են Ան-Նուսրա խմբավորման գրոհայինները, որոնք տասնյակ հրթիռներ են արձակել խաղաղ թաղամասերի ուղղությամբ, ինչի արդյունքում կան նաեւ տասնյակ վիրավորներ, պատճառվել է զգալի նյութական վնաս:
Սիրիական կառավարական ուժերը պատասխան կրակ են բացել գրոհայինների հենակետերի ուղղությամբ:
Վերոհիշյալ թաղամասերում հիմնականում բնակվում են շիա մահմեդականներ: Գրոհային խմբավորումները արդեն 2 տարի է շրջապատել են քաղաքն ու անվերջ հրետակոծություններ են իրականացնում:
ՄԱԿ-ի տվյալներով միայն ԻՊ շարքերում ներկայումս մարտնչում են 80 երկրների շուրջ 15 հազար ահաբեկիչներ:
