Ինչպես հայտնում է ՏԱՍՍ գործակալությունը, Ուկրաինայի զինդատախազ Անատոլի Մատիոսը խոստովանել է, որ բանակից դասալքության դեպքերը հասել են ահռելի մասշտաբների:
Նրա խոսքերով 1648 զինծառայողներ ինքնակամ լքել են ծառայությունը, իսկ ավելի քան 10 հազար զինծառայող դասալքել:
Ավելի քան 500 մարդ խուսափել է զինվորական ծառայությունից՝ մնալով Ղրիմի տարածքում:
Զինդատախազը ընդգծել է, որ դասալքության դեպքեր են գրանցվում նույնիսկ բարձր հրամանատարության շարքերում:
Մասնավորապես դասալքության հոդվածով զինդատախազությունը քրեական գործ է հարուցել ուկրաինական բանակի գեներալ-մայորի նկատմամբ:
Վերջում նա ավելացրել է, որ ուկրաինական կամավորական զինաջոկատները գտնվում են ոչ թե զինդատախազության, այլ երկրի ՆԳՆ նախարարության վերահսկողության ներքո, ուստի հանցագործությունների կատարման դեպքում նրանց հանդեպ կիրառվում է առավել մեղմ պատիժ:
