Այսօր՝ հունիսի 25-ին, լրագրողների հետ զրույցի ժամանակ, պատասխանելով այն հարցին, թե ինչ է մեզ տալու Հռոմի Ֆրանցիսկոս Պապի հայաստանյան այցը, Վատիկանում ՀՀ դեսպան Միքայել Մինասյանն ասաց, որ մեզ համար այս այցը մեծ պատիվ է. «Սա պատմական այց է, սա այց է եղբայրության, այց է սիրո, այց է հարգանքի, բայց, ինչպես հենց ինքը՝ Սրբազան քահանայապետն ասաց, սա այց է ուխտագնացության: Սա մեծ ուխտագնացություն է՝ հարգելու, սիրելու մեր ժողովուրդը, մեր սուրբ նահատակաները, մեր ապագան»:
