Հայաստան կատարած ուխտագնացությունից վերադառնալու ճանապարհին Հռոմի Ֆրանցիսկոս Պապը հայտարարել է, որ հայերի նկատմամբ կատարված ոճրագործությունը բնութագրելու համար չի իմացել այլ բառ, բացի «Ցեղասպանությունից» մինչև կաթոլիկ եկեղեցու քահանայապետ ընտրվելը:
«Արգենտինայում հայերի ոչնչացման մասխն խոսելիս միշտ օգտագործվել է «Ցեղապանություն» բառը, իսկ Բուենոս Այրեսի տաճարում մենք խաչքար ենք կանգնեցրել նվիրված Հայոց Ցեղապանության զոհերի հիշատակին: Ես կատարվածը բնութագրելու համար այլ բառ չեմ իմացել: Երբ եկա Հռոմի, այլ բառեր լսեցի, օրինակ՝ «մեծ չարիք»: Ինձ ասացին, որ «Ցեղասպանություն» բառը վիրավորական է: Սակայն ես միշտ խոսել են 20-րդ դարում կատարված երեք ցեղասպանությունների մասին՝ Հայոց Ցեղասպանություն, Հիտլերի Ցեղասպանություն և Ստալինի Ցեղասպանություն»,-ասել է Պապը՝ հավելելով, որ ևս մեկ Ցեղասպանություն եղել է Աֆրիկայում:
«Անցած տարի, երբ ես պատրաստվում է Սուրբ Պետրոսի տաճարում կայանալիք հիշատակման արարողությանը, տեսա, որ Սուրբ Հովհաննես-Պողոս 2-րդ Պապն օգտագործել է «Ցեղասպանություն» բառը: Դա լավ չէր ընդունվել թուրքական կողմից, և Անկարան ետ էր կանչել Վատիկանում իր դեսպանին, որը մի քանի ամիս անց վերադարձել էր»,-նշել է պանտիֆիկը:
Ֆրանցիսկոսը հայտարարել է, որ իր նախնական ելույթում չի եղել «Ցեղասպանություն» բառը, սակայն ՀՀ նախագահի ելույթի տոնը լսելուց հետո տարօրինակ կլիներ չկրկնել մեկ տարի առաջ աասված խոսքը:
