Ինչպես տեղեկացնում է Ռիա Նովոստի գործակալությունը, Եվրոպայում ապրող հրեաներին անհրաժեշտ է տեղափոխել Իսրայել:
Այդ մասին հայտարարել է Իսրայելի վարչապետ Բենիամին Նեթանյահուն, նշելով, որ Եվրոպայում ու մասնավորապես Կոպենհագենում ահաբեկչական հարձակումների արդյունքում տուժում են հրեաներ, ուստի պետք է անհապաղ նրանց տեղափոխել իրենց պատմական հայրենիք:
Նրա խոսքերով Եվոպայում ապրող հրեաներն արժանի են անվտանգության յուրաքանչյուր երկրում, սակայն խոսքը գնում է Իսրայելի զավակների մասին, որոնք ունեն հայրենիք ու հնարավորություն վերադառնալ իրեն պատմական բնօրրանը:
Հիշեցնենք, որ նախօրեին անհայտ անձինք կրակահերթ էին իրականացրել Կոպենհագենի կենտրոնում, ինչի հետեւանքով զոհվել էր 2, վիրավորվել՝ 5 մարդ:
Ոստիկանության նախնական տվյալներով վնասազերծվել էր նաեւ չարագործներից մեկը, իսկ մյուսին հաջողվել էր դիմել փախուստի: