Թուրքիան կողմ է ղարաբաղյան հակամարտության շուտափույթ կարգավորմանը, որը կհամապատասխանի Ադրբեջանի բոլոր պահանջներին: Այս մասին հայտարարել է Թուրքիայի ԱԳՆ միջազգային անվտանգության հարցերով գլխավոր տնօրեն Բասաթ Օզթուրքը:
Նրա խոսքերով, Թուրքիայի դիրքորոշումը հայտնի է. «Մենք միշտ Ադրբեջանի կողքին ենք, դա բացահայտ և իրական աջակցություն է»,-ասել է Օզթուրքը՝ հավելելով, որ հակամարտության կարգավորումը օգուտ կբերի ողջ տարածաշրջանին:
Խոսելով պետերբուրգյան հանդիպման մասին՝ թուրք պաշտոնյան այն դրական փաստ է համարել և ավելացրել է, որ Թուրքիան կողմ է բոլոր երկրների, այդ թվում նաև Ռուսաստանի հետ լավ հարաբերություններ ունենալուն:
