Բաքվում ԱՄՆ դեսպանությունը հայտարարել է, որ ադրբեջանական տխրահռչակ սև ցուցակում ընդգրկված Հայաստանում ԱՄՆ նախկին դեսպան Ջոն Էվանսը ամերիկյան կառավարության անդամ չէ, շարքային քաղաքացի է, ում ԱՄՆ-ը խորհուրդ չի տալիս այցելել Լեռնային Ղարաբաղ: Այս մասին գրում է ՌԻԱ Նովոստին:
Ավելի վաղ Ադրբեջանի ԱԳՆ-ը հայտարարել էր, որ Էվանսն ընդգրկվելու է ադրբբեջանական սև ցուցակում, Արցախ այցելելու համար:
Նշենք, որ Բաքուն իր սև ցուցակում է ընդգրկում այն արտասահմանցիներին, ովքեր այցելում են Արցախ: Բանն այն է, որ Ադրբեջանի իշխանություններն իրենց ներշնչել են, թե արտասհամանցիներն Արցախ ժամանելու համար պետք է ստանան իրենց թույլատվությունը:
