Ինչպես տեղեկացնում է «Երրորդ համաշխարհային պատերազմ» պորտալը, Ուկրաինայի Մարիուպոլի շրջանի Շիրոկինո բնակավայրի մոտակայքում շարունակվում է փոխհրաձգությունն ուկրաինական ազգայնական «Ազով» գումարտակի ու աշխարհազորայինների միջեւ:
Չնայած Շիրոկինոյի հրետակոծությանը՝ ԴԺՀ զորաջոկատներին հրամայվել է զերծ մնալ հրետանու կիրառումից, ուստի ուժայինների կրակը լռեցվում է հիմնականում հրաձգային զենքի միջոցով:
Ուկրաինական «Ազով» գումարտակի զինվորները հարձակման փորձ են ձեռնարկել Շիրոկինո բնակավայր ուղղությամբ՝ օգտագործելով դիվերսիոն խմբեր, ականանետներ ու գնդացիրներ:
Չնայած հրադադարի հաստատմանը Շիրոկինոն շարունակում է մնալ հակամարտության գոտու ամենաթեժ շրջաններից մեկը, որտեղ ուկրաինական զորաջոկատները շարունակում են հրետակոծել Շիրոկինո ու Պավլոպոլիե բնակավայրերը:
