Բաքվում Ռուսաստանի, Իրանի և Ադրբեջանի նախագահների հանդիպումը տեղի է ունենալու ընթացքիկ տարվա օգոստոսի առաջին տասնօրյակին: Այս մասին լրագրողներին հայտնել է ՌԴ նախագահ Վլադիմիր Պուտինի խոսնակ Դմիտրի Պեսկովը:
Այսօր՝ հուլիսի 13-ին, Պուտին-Ռոհանի-Ալիև հանդիպման մասին խոսել է նաև Իրանի արտգործնախարարի տեղակալ Իբրահիմ Ռահիմպուրը:
Նա նշել է, որ հանդիպումը տեղի է ունենալու օգոստոսի 8-ին և նվիրված է լինելու հիմնականում Հյուսիս-Հարավ միջանցքին, որը պետք է անվտանգ ուղի լինի ողջ տարածաշրջանի համար:
Խոսքը վերաբերում է Ռուսաստանի, Ադրբեջանի և Վրաստանի տարածքով իրանական ապրանքներն արտահանելուն:
Հանդիպման ընթացում, Իրանի ԱԳ փոխնախարարի խոսքերով, քննարկվելու են նաև հարցեր, որոնք վերաբերում են առևտրա-տնտեսական համագործակցությանը, տուրիզմին և Մերձավոր Արևելքում ու տարածաշրջանում տիրող անվտանգության խնդիրներին:
