Անկարայի դատարանը Ռեջեփ Թայիփ Էրդողանին վիրավորելու համար 17 հազար դոլարով տուգանել է Թուրքիայի հիմնական ընդդիմադիր ուժի՝ Ժողովրդա-հանրապետական կուսակցության առաջնորդ Քեմալ Քիլիչդարօղլուին, այս մասին հայտնում է Anadolu-ն:
Հիշեցնենք, որ հունվարի 16-ին Քիլիչդարօղլուն Թուրքիայի նախագահին անվանել էր բռնապետի ծաղրանկար:
Դրանից հետո երկրի դատախազությունը քննություն էր սկսել: Էրդողանը երկու հայց էր ներկայացրել՝ ընդդիմադիր գործչից պահանջելով 67 հազար դոլար փոխհատուցում:
Նշենք, որ Թուրքիայում նախագահ Էրդողանին վիրավորելու համար պատժվելը սովորական երևույթ է, և սա վերաբերում է նաև լրագրողներին:
