Թուրքիայում ռազմական հեղաշրջման փորձին մասնակցելու համար 754 զինվորական է ձերբակալվել: Այս մասին հայտնում է Անադուլու գործակալությունը՝ հավելելով, որ պաշտոնանկ է արվել 5 գեներալ, 29 գնդապետ:
Երկրի վարչապետ Բինալի Յիլդիրիմը հայտարարել է, որ երկրում իրավիճակն աստիճանաբար կայունանում է:
Դրան հակառակ Եվրախորհրդի նախագահ Դոնալդ Տուսկը հայտարարել է, որ Թուրքիայում իրավիճակը շատ հեռու է կայուն կոչվելուց:
Հավելենք, որ Թուրքիայում ռազմական հեղաշրջում իրականացնել ցանկացողները հայտարարել են իրենց պայքարը շարունակվելու մասին:
Նշենք նաև, որ ԱՄՆ-ում ապրող Ֆաթուլահ Գյուլենը, ում Էրդողանը մեղադրում է Թուրքիայում ռազմական հեղաշրջում իրականացնելու փորձի մեջ, հերքել է, որ ինքն է փորձի կազմակերպիչը:
