Թուրքիայում կայանալիք ԵԱՀԿ Մինսկի խմբի համանախագահների հանդիպումը, որի ընթացքում պետք է քննարկվեր ղարաբաղյան հակամարտությունը, հետաձգվում է: Այս մասին ՌԻԱ Նովոստիին հայտնել է ԵԱՀԿ ՄԽ ամերիկացի համանաագահ Ջեյմս Ուորլիքը:
Ավելի վաղ Թուրքիայի արտգործնախարար Մևլյութ Չավուշօղլուն հայտարարել էր, որ հուլիսի 18-ին համանախագահները մեկնելու են Թուրքիա, որտեղ հանդիպում են ունենալու թուրքական կողմի հետ և խոսելու են հակամարտության մասին:
Ուորլիքը հայտնել է, որ Թուրքիայում կայանալիք հանդիպումը հետաձգվել է և այս պահին քննարկվում է այն հարցը, թե երբ պետք է տեղի ունենա այցը:
