Հայաստանի պաշտպանության նախարարության Պաշտպանական քաղաքականության վարչության պետ Լեւոն Այվազյանը փետրվարի 20-ին ընդունեց Հայաստանում Կարմիր խաչի միջազգային կոմիտեի պատվիրակության ղեկավար Սարա Էպրեխտին:
ՊՆ մամուլի ծառայությունից հայտնում են, թե կողմերը քննարկեցին համագործակցության ընթացիկ խնդիրները եւ առաջիկա ծրագրերը` ուղղված միջազգային մարդասիրական իրավունքի խթանմանն ու ինտեգրմանը:
Հանդիպման ընթացքում ստորագրվեց 2015թ. Համագործակցության ծրագիրը, որը ներառում է միջազգային մարդասիրական իրավունքի վերաբերյալ տարբեր ուսումնական ծրագրեր, ինչպես նաեւ գիտական-մեթոդաբանական կարողությունների զարգացման եւ ՀՀ ԶՈՒ ու հանրության շրջանում միջազգային մարդասիրական իրավունքի վերաբերյալ իրազեկվածության բարձրացման միջոցառումներ:
