«Իսլամական պետություն» ահաբեկչական խմբավորումը հայտարարել է, որ ֆրանսիական եկեղեցում պատանդներ վերցրած հանցագործներն իր զինվորներն են: Այս մասին հայտնում է AP գործակալությունը:
Ավելի վաղ դեպքի վայր ժամանած Ֆրանսիայի նախագահ Ֆրանսուա Օլանդն ասել էր, որ կատարվածի ետևում ամենայն հավանականությամբ կանգնած է ԻՊ-ը: Նրա խոսքերով, սա հերթական հարձակումն է, որը վկայում է այն մասին, որ Ֆրանսիան պատերազմի մեջ է գտնվում ԻՊ-ի դեմ:
Նշենք, որ հարձակվողները, որոնք եղել են թվով երկու դիմակավորված անձինք, գնդակահարվել են: Սակայն մինչ այդ նրանք հասցրել են կտրել հոգևորականներից մեկի կոկորդը:
