Ինչպես հաղորդում է Ռիա Նովոստի գործակալությունը, Ավստրիայի մայրաքաղաք Վիեննայում վանդալները սեւ ներկ են լցրել սովետական ազատարար զինծառայողների հուշարձանին:
Այդ մասին հայտնել է Ավստիայում Ռուսաստանի դեսպանատան ռազմական կցորդ Բուլատ Հայդարովը, նշելով, որ հուշարձանը պղծել են անհայտ չարագործները:
Դիվանագետի խոսքերով, ռուսական կողմը տեղի ունեցած վանդալիզմի կապակցությամբ բողոքի նոտա է հղել ավստրիական իշխանություններին ու արտգործնախարարությանը՝ կոչ անելով անհապաղ համապատասխան միջոցառումներ իրականացնել չարագործներին ձերբակալելու ու պատժելու ուղղությամբ, ինչպես նաեւ ապահովել հուշարձանների պաշտպանությունը:
Ավստրիական իրավապահները գործ են հարուցել վանդալիզմի հատկանիշներով ու սկսել հետաքննությունը: