ԱՄՆ իշխանությունները հայտարարել են, որ փնտրում են ռուս ցանցահեն Եվգենի Բոգաչովին, ով կասկածվում է մի շարք կիբերհանցագործությունների մեջ, և նրան բռնողին պարգևավճար են խոստացել: Ինչպես հաղորդում է «ՏԱՍՍ»-ը, նրա մասին տեղեկության դիմաց ամերիկյան արդարադատությունը պատրաստ է վճարել մինչև 3 մլն դոլար:
Ըստ տեղեկությունների՝ Բոգաչովը կապ ունի Ռուսաստանում և Ուկրաինայում գտնվող կիբերհանցագործ խմբի հետ, որը ստեղծել և տարածել է ցանցահենային ծրագրեր, որոնք պատճառել են ավելի քան 100 մլն դոլարի վնաս: ԱՄՆ հատուկ ծառայությունների գնահատականներով՝ վարակվել են ամբողջ աշխարհում մոտ մեկ միլիոն համակարգիչներ:
