Ինչպես հաղորդում է Ռիա Նովոստի գործակալությունը, Դոնեցկի ինքնահռչակ հանրապետության փրկարար ծառայության աշխատակիցները Դոնեցկի օդանավակայանի փլատակների տակից դուրս են բերել 4 ուկրաինացի զինծառայողների դիակները:
Այդ մասին հայտնել է Դոնեցկի պաշտպանության փոխնախարար Էդուարդ Բասուրինը, նշելով, որ Դոնեցկի փրկարարները սկսել են օդանավակայանում սպանված ուկրաինացի զինծառայողների մարմինների դուրսբերման ու որոնողական աշխատանքներն, ինչի արդյունքում հայտնաբերվել է 4 զինծառայողի դիակ:
Նրա խոսքերով, փլատակների տակ դեռեւս շարունակում են մնալ բազմաթիվ սպանված զինվորականներ, ուստի որոնողական գործողությունները դեռեւս կշարունակվեն:
Վերջում նա ավելացրել է, որ ուկրաինական կողմը անհետ կորած զինվորների փաստաթղթերը չի ներկայացնում աշխարհազորայիններին: