Լոս Անջելեսի միջազգային օդանավակայանի կենտրոնական տերմինալի թռիչքի և վայրէջքի գոտիները փակվել են կրակոցների մասին հաղորդագրության պատճառով: Այս մասին հայտնում է օդանավակայանի թվիթերյան էջը:
Ինչպես փոխանցում է Reuters-ը, ոստիկանությունը ստուգում է կրակոցների մասին ինֆորմացիան, այն դեռ չի հաստատվել: Տեղեկություններ չկան նաև տուժածների մասին:
CBS-ն իր հերթին հայտնում է, որ մարդկանց տարհանել են օդանավակայանից, տարածքում երթևեկությունը դադարեցվել է, հավաքվել են մեծ թվով մորդիկ:
Օդանավակայանը նաև կոչ է արել ուղևորներին կապ հաստատել համապատասխան ծառայությունների հետ իրենց չվերթների ժամերը ճշտելու համար:
