ԱՄՆ-ի կողմից հետախուզվող Ռուսաստանի Դաշնության քաղաքացի Սերգեյ Միրոնովը, ում կալանավորման մասին միջնորդությունը Երևանում մերժվեց, օգոստոսի 31-ին կվերադառնա հայրենիք:
Այս մասին Ինտերֆաքս գործակալությանը հայտնել է Միրոնովի փաստաբան Կարեն Ներսիսյանը՝ հավելելով, որ այսօր Միրոնովը գնալու է դեսպանատուն, իսկ դատախազությունից նրան չեն հրավիրել:
Հիշեցնենք, որ Միրոնովը, ում նկատմամբ ԱՄՆ-ը 2016 թվականի մայիսի 11-ին միջազգային հետախուզում էր հայտարարել, Երևանի օդանավակայանում ձերբակալվել էր անցած շաբաթ:
